影片
更多
2022-02-12
280 浏览
終於到HAPPY FRIDAY, 同丫妹去拆餐勁慶祝下, 去咗朗豪坊一間韓式烤肉餐廳。早排經過見到任食Menu同年幾前食過嘅有所不同, 極有興趣試試。我地入座時間四點幾, 餐廳內幾乎座無虛席, 環境氣氛更証明呢度係「無煙燒肉」。每張檯都有個小網爐頭, 爐內兩側都有抽風系統直接抽走d煙, 所以食完成餐燒肉, 身上亦沒有半點燒烤味。我地揀咗其中最貴、款式最多嘅套餐, 任食無煙燒肉90分鐘($278/位) 另加一星期五、六、日、公眾假期、前夕: +$20有齊牛、豬、雞、海鮮、熟食、蔬菜、飲品、甜品肉類方面款式多, 最正嘅係梨汁牛五花, 薄切快熟, 肉質幾嫩, 沾咗甜甜地嘅梨汁, 唔洗再點醬油已經很正!另外仲有嚴選一口牛、和牛牛肋肉、安格斯牛板腱、安格斯牛肩肉、安格斯牛脊肉、韓式燒汁牛排; 不過厚切嘅肉比較難燒, 肉質比較有咬口。除咗牛, 豬同雞同樣選擇多, 有青檸燒雞排、韓式甜辣雞翼、薄燒豬扒、蜜汁豬肋粒等….其中秘製豬肋骨味道唔錯, 醃得入味海鮮方面有虎蝦、廣島蠔、魷魚、蜆, 虎蝦比預期中細隻, 魷魚爽口, 蜆鮮甜冇沙牛油雜菇以錫紙裝住, 整個放上去燒, 金菇吸咗d牛油, 正!熟食方面,
我地入座時間四點幾, 餐廳內幾乎座無虛席, 環境氣氛更証明呢度係「無煙燒肉」。
每張檯都有個小網爐頭, 爐內兩側都有抽風系統直接抽走d煙, 所以食完成餐燒肉, 身上亦沒有半點燒烤味。
我地揀咗其中最貴、款式最多嘅套餐, 任食無煙燒肉90分鐘($278/位) 另加一
星期五、六、日、公眾假期、前夕: +$20
有齊牛、豬、雞、海鮮、熟食、蔬菜、飲品、甜品
肉類方面款式多,
最正嘅係梨汁牛五花, 薄切快熟, 肉質幾嫩, 沾咗甜甜地嘅梨汁, 唔洗再點醬油已經很正!
另外仲有嚴選一口牛、和牛牛肋肉、安格斯牛板腱、安格斯牛肩肉、安格斯牛脊肉、韓式燒汁牛排; 不過厚切嘅肉比較難燒, 肉質比較有咬口。
除咗牛, 豬同雞同樣選擇多, 有青檸燒雞排、韓式甜辣雞翼、薄燒豬扒、蜜汁豬肋粒等….其中秘製豬肋骨味道唔錯, 醃得入味
海鮮方面有虎蝦、廣島蠔、魷魚、蜆,
虎蝦比預期中細隻, 魷魚爽口, 蜆鮮甜冇沙
牛油雜菇以錫紙裝住, 整個放上去燒, 金菇吸咗d牛油, 正!
熟食方面, 有薯條,
蝦多士很有驚喜, 唔算太油, 口感酥脆, 有鮮甜蝦味。
甜品就有布朗尼, 唔會過甜;
仲有棉花糖, 吉住放近爐面燒幾秒, 內裡半溶狀, 勁正!
飲品就以汽水同果汁梳打為主,
抗疫措施下, 原來餐廳17:30清場, 18:00關門, 所以當日食到好趕, 所以打算去食嘅朋友就要預早時間去喇!
张贴
