影片
更多
2023-06-13
2406 浏览
2023年5月31日 星期三今日放工突然間好想食韓燒，於是拉埋老婆出去旺角睇吓邊間餐廳有韓燒食，最後搵咗呢座大廈嘅呢間餐廳餐廳嘅韓燒放題分咗三個價錢，夜晚最平嘅$268就有交易，不過我哋揀左最貴嗰款$478，因為可以食到和牛同韓國牛肉，難得食一次，當然要品嚐到最高級數嘅牛肉啦，而且除咗韓燒之外，仲可以打埋邊爐，滿足晒唔同要求既人，但今次我哋主力集中韓燒點完餐再慢慢睇返餐廳環境，發現都幾舒適，枱與枱之間有足夠距離，而且每台都有抽氣系統，唔怕食完燒肉之後件衫成陣味，夠晒貼心等待食物嚟到期間出咗去拎嘢飲，見到飲品櫃裏面擺放咗好多款唔同類型嘅飲品，除咗一般既汽水同涼茶之外，仲有好多韓式飲品添，例如忌廉溝鮮奶、蘆薈汁同真露等等，另一邊既凍櫃仲有OOHA拎添大約10分鐘左右食物就開始陸續送到，有日本A4和牛肉眼蓋和牛肋條、韓國牛肉同澳洲M9和牛，一睇就見到牛肉上面既紋理分佈得好平均，代表脂肪同肉嘅比例好平衡，特別係日本和牛，一燒已經開始滲透啲油脂出嚟，散發住好濃烈嘅牛肉味燒左幾分鐘已經熟晒食得，用左生菜包住一齊食，既唔會流失肉汁，食落去又冇咁油膩，幾款牛肉味道都唔錯，但最回味一定係日本A4和牛，一
今日放工突然間好想食韓燒，於是拉埋老婆出去旺角睇吓邊間餐廳有韓燒食，最後搵咗呢座大廈嘅呢間餐廳
餐廳嘅韓燒放題分咗三個價錢，夜晚最平嘅$268就有交易，不過我哋揀左最貴嗰款$478，因為可以食到和牛同韓國牛肉，難得食一次，當然要品嚐到最高級數嘅牛肉啦，而且除咗韓燒之外，仲可以打埋邊爐，滿足晒唔同要求既人，但今次我哋主力集中韓燒
點完餐再慢慢睇返餐廳環境，發現都幾舒適，枱與枱之間有足夠距離，而且每台都有抽氣系統，唔怕食完燒肉之後件衫成陣味，夠晒貼心
等待食物嚟到期間出咗去拎嘢飲，見到飲品櫃裏面擺放咗好多款唔同類型嘅飲品，除咗一般既汽水同涼茶之外，仲有好多韓式飲品添，例如忌廉溝鮮奶、蘆薈汁同真露等等，另一邊既凍櫃仲有OOHA拎添
大約10分鐘左右食物就開始陸續送到，有日本A4和牛肉眼蓋和牛肋條、韓國牛肉同澳洲M9和牛，一睇就見到牛肉上面既紋理分佈得好平均，代表脂肪同肉嘅比例好平衡，特別係日本和牛，一燒已經開始滲透啲油脂出嚟，散發住好濃烈嘅牛肉味
燒左幾分鐘已經熟晒食得，用左生菜包住一齊食，既唔會流失肉汁，食落去又冇咁油膩，幾款牛肉味道都唔錯，但最回味一定係日本A4和牛，一咬落去就慢慢融化，口腔散發着濃烈嘅牛肉味，食到停唔到口，要即時encore
食肉既同時，我哋都點左一啲前菜，有醃蘿蔔、醃芽菜同枝豆，全部都酸酸地幾開胃，特別係食完牛肉再食醃蘿蔔，油膩感即時無晒
之後有各類海鮮，包括魷魚、多春魚、帶子同大蝦，當中蝦既size都幾大隻，而且燒完之後都好容易拆開啲殼，食落去唔會霉霉地，幾彈牙
呢個係西班牙黑毛豬，有五花肉同保濕黑毛豬鞍扒，五花肉幾重油脂，一燒既時候油份已經即刻出晒黎，至於黑毛豬鞍扒就幾有驚喜，因為燒完之後食真係好有肉汁，唔會好乾好難咬，真係做到保濕既效果
除此之外，我哋仲點左一啲炸物，有炸魷魚圈、炸雞粒、炸芝士年糕同芝士釀雞翼，全部都炸得好香口，特別係芝士年糕，一咬落去好煙韌，芝士仲可以拉出來做成拉絲既效果添
最後仲食埋甜品，有雪糕杯、甜筒同紅豆雪條，正好可以解一解燒肉既油膩感，更有多款味道揀
埋單食得咁豐富，每人加埋一都係五百蚊左右，已經飽住個肚走
张贴
