韓牛牧場 (已結業)

平時食燒肉總係食到一身燒肉味，朋友推介既呢間韓牛牧場就完全冇呢個問題喇～我地book咗星期五晚食，一去到入座reception係要少少時間check返booking先可以入去，但之後帶位同上菜既侍應態度都好好，所以感覺都良好既每台都有一部光波爐，唔駛搽油直接將食物放上去燒一陣就可以食，聽唔到平時燒肉嘅滋滋聲，當然亦唔會有油香，但勝在夠健康。頭盤有生牛肉壽司、魚生同醬油蝦，樣樣都幾新鮮，比起要燒既肉類海鮮更加好食炸物天婦羅款式幾多，炸粉唔算厚，亦唔會炸到燶晒，幾高質出面既沙律同前菜bar係最大亮點，冇諗過喺燒肉放題店食芝麻波菜同沙律會係咁高質，高質到我可以放棄個爐淨食菜🥗甜品有雪米糍同melona雪條，雪米糍既皮比起平時平價放題啲雪米糍更加大粒，層糯米皮亦更加厚實，鍾意煙韌口感既就啱晒。