影片
更多
2020-04-06
218 浏览
：【黃店推介 - 旺角無煙韓燒 - Lab 10🍖】🐷🐷🐷🐷💭大家好！禁聚令生效前一晚, 豬仔家族全體就去左旺角朗豪坊食韓燒!! 因為之後我哋就要同細佬妹分台坐啦!🥺 呢間黃店做緊$248 任食任飲韓燒放題, 而且係無煙! 咁就唔怕細菌周圍飛, 而且店員仲會幫你探熱, 比酒精搓手液洗手, 同埋用消毒噴噴噴衣服! 感覺真係好似店名...入左LAB 咁!! 而入面啲枱仲有隔板隔開的！既然做左咁多功夫, 豬仔🐷都本著大無畏精神!! 繼續食黃店支持下啦!!🐷🐷🐷🐷💬1⃣ 2小時任飲任食韓燒放題 ($248)任食韓燒分別有1.牛脷 2.雞肉 3. 珠仔骨 4.牛板腱 5.珠頸肉 6. 牛後腹 7. 一口牛 8. 梨汁肥牛, 全部肉任叫!! 另外隨餐仲有芝士醬薯條, 味素飯同埋沙律提供! 而任飲方面唔單止有汽水, 連梳打果汁都係任飲, 同小店外賣飲品部嘅餐牌一樣! 抵唔抵食就睇大家大唔大食啦🤪 肉類我地最喜歡嘅係梨汁肥牛, 比較薄身易燒, 而且梨汁調味酸酸地好過癮! 值得一提嘅係以上肉類唔似得出面韓燒連鎖店咁,將D肉醃得好咸或者好濃味，搞到食咩款式嘅肉都一樣味, 相反小店醃得比較清，更能
【黃店推介 - 旺角無煙韓燒 - Lab 10🍖】
🐷🐷🐷🐷💭大家好！禁聚令生效前一晚, 豬仔家族全體就去左旺角朗豪坊食韓燒!! 因為之後我哋就要同細佬妹分台坐啦!🥺 呢間黃店做緊$248 任食任飲韓燒放題, 而且係無煙! 咁就唔怕細菌周圍飛, 而且店員仲會幫你探熱, 比酒精搓手液洗手, 同埋用消毒噴噴噴衣服! 感覺真係好似店名...入左LAB 咁!! 而入面啲枱仲有隔板隔開的！既然做左咁多功夫, 豬仔🐷都本著大無畏精神!! 繼續食黃店支持下啦!!
🐷🐷🐷🐷💬1⃣ 2小時任飲任食韓燒放題 ($248)
任食韓燒分別有1.牛脷 2.雞肉 3. 珠仔骨 4.牛板腱 5.珠頸肉 6. 牛後腹 7. 一口牛 8. 梨汁肥牛, 全部肉任叫!! 另外隨餐仲有芝士醬薯條, 味素飯同埋沙律提供! 而任飲方面唔單止有汽水, 連梳打果汁都係任飲, 同小店外賣飲品部嘅餐牌一樣! 抵唔抵食就睇大家大唔大食啦🤪 肉類我地最喜歡嘅係梨汁肥牛, 比較薄身易燒, 而且梨汁調味酸酸地好過癮! 值得一提嘅係以上肉類唔似得出面韓燒連鎖店咁,將D肉醃得好咸或者好濃味，搞到食咩款式嘅肉都一樣味, 相反小店醃得比較清，更能夠食到肉質本身嘅鮮味! 而店中都有調味醬滿足番重口味嘅客人（🐷：即係我老豆🤪）!!
🐷🐷🐷🐷💬2️⃣海鮮拼盤一份 (免費) + 芝士薯條
只要like and share 小店FB, 就可以免費食一份原價$258 嘅海鮮拼盤! 入面有十幾隻蜆、魷魚、幾隻蝦、兩隻鮑魚仔同埋兩隻廣島蠔! 蜆肉洗得夠乾淨冇沙! 全部海鮮燒完即食仲有少少海水味, 好新鮮, 正! 而且比埋錫紙碟燒, 加少少檸汁個蠔就更加好食啦!! 至於送嘅芝士醬薯條都好特別! 佢有幾隻味道嘅芝士用錫紙兜裝住咁拎去燒溶佢地，咁就算薯條擺凍左先食都唔怕啦!! 鍾意嘅仲可以用啲芝士醬嚟點肉食呢😝
🐷🐷🐷🐷💭預期小店主打韓燒, 係武漢肺炎下會比其他餐廳更難經營, 希望佢地搵到生存方法!! 然後同全香港黃店一齊頂住啦💪💪!! 唔係豬仔就餓死架啦🐷🐷👻💀😪
张贴
