蓮香樓 (已易手) 新餐厅

老公早派去過蓮香樓飲茶，話好得意，個個推住點心車，好另類，咁今日帶我去見識吓。我有晒心理準備，知道唔會有五星級招呼，去回顧從前嘅飲茶風味。我哋十一點度，幾多人，各有各忙，食嘢嘅食嘢、等位嘅等位、沖茶嘅沖茶，入到有點不知所腊，好彩有個食客伯伯舉手同我哋講有兩個位，簡直感激不盡。坐底之後，對住人哋食完嘅碗筷又唔知點好，坐咗一陣先發現，服務係要爭取，於是搵人執枱開單，搞咗一輪，其實都無心機食。等到有茶飲，又要等食物出，救命呀，做咗三十年人，俾人種慣，又點會鐘意食得咁辛苦？真係要去搵食，新鮮點心一出，人人就去搶，無嘢呀嘛？我咁嘅懶又點會同人爭？點心車有咩，推度嚟就食，最後食咗馬拉糕、燒賣、腸粉、豬肝燒賣（怪異配合）、鴨腳扎同個飯，加埋一百二十一。有映相，但無謂放上去，因爲食相一點都唔吸引，味道一般，無乜特別，樣樣都係淡淡地，嚟蓮香樓係食懷舊，俾我哋現代人知道我哋有幾「幸福」，餐茶就麻麻，但上咗寶貴嘅一課。