食咩鮮

营业中

休息中

幫襯下觀塘工業大廈中新開張既有機餐廳。小店主打無激素肉同港式料理，外賣為主。我地兩人嗌左一碟沙爹牛柳焗意粉，一碟意式爆茄焗豬排飯，一碟雜菌小食，買翻屋企食。佢既包裝全部是環保紙盒裝，好得意！每一份分量都好大！完全夠兩個女仔食！牛柳焗意粉沙爹味道非常突出，中意沙爹風味既朋友不要錯過，牛肉質素好高，無雪味同腥味，燉煮時間岩岩好，牛柳軟爛入味，意粉每條都沾滿沙爹醬，滿足！爆茄豬排飯味道唔係咁重口味，酸酸甜甜，上層鋪有厚厚既芝士，飯底有洋蔥、青椒、番茄，豬排大大塊，味道鮮香，食到食材本身既味道，飯底同樣粒粒分明，唔會好軟淋淋。