麗島小廚 (已結業)

呢間餐廳嘅午市套餐真係勁，勁就勁在佢嘅例湯竟然係海帶涼瓜煲唐排，真係非常有誠意，個湯仲要冇味精，重點係佢啲套餐都係有$59至到$70，除咗例湯之外仲有油菜同埋跟餐飲，真係問你服未，可想而知飲食業嘅競爭真係好大。七個餐之中睇中咖喱薯仔牛坑腩同埋剁椒蒸珍珠鱲魚，好可惜個天已經幫我揀咗，因為珍珠鱲魚已經沽清。佢個咖喱薯仔牛坑腩都唔失禮，咖喱本身唔係好辣，牛坑腩炆得好淋好入味，仲有牛筋同薯仔都好味。碟菜雖然話係餸嘅，但係都好鮮嫩。整體性價比高，好食。