壹號手信 (已結業)

有朋友從外地嚟旅行，回程我陪佢搵下啲手信。佢要求唔高，淨係要冇添加，想親戚朋友食得安心！我哋搵到呢間無添加嘅餅店，因為想試下味先，所以一人一件買嚟試下。牛油曲奇好香好crispy, 杏仁酥就一層層好crispy 之餘啲杏仁片令到口感好豐富！蝴蝶酥好香口又唔會話太甜，感覺都健康啲。我哋仲試左啲新嘢：杏仁紅梅酥，酸酸甜甜幾特別。芝麻南瓜酥就係健康之選，唔甜所以長者都啱食！而夏威夷豆塔就好特別咁有咸酥味同埋原味，我個人好鍾意原味，啲果仁配上焦糖同埋好香牛油味嘅鬆脆餅底，真係好好味，而鍾意新鮮感嘅朋友唔好錯過咸酥味啊！