台竹美食坊 (已結業)

聽朋友講置樂有一間餐廳兼營自助火鍋超抵食,種類頗多,便約左一班朋友到此一試。格局尚算可以,一坐低就有好多人開始入唻。我地都開始點野食,但係等左好耐都冇野食,因為限時兩個鐘,所以嗌左個女侍應幫手追單,等左大約半個鐘終於有少少野食,食緊野其間,廚房傳出嘈吵聲,跟著有一個著制服既婦人衝出唻大嗌無天理,大嗌被人蝦,跑唻跑去狂嗌,我同朋友都覺得好恐怖,點解可以任由一個員工亂嗌,即住走左幾個人入唻,同個老婦一齊發癲,對住一個女侍應狂爆粗,哩間舖頭一個字形容,就係劣........好多人都驚到即刻走(包括我同朋友),門口等位果d都驚到走哂,個個都諗緊哩幾個係咩人,點解咁樣發癲都冇人制止佢地,再留o係度都唔知會唔會俾佢打埋一份-_-''