麻辣派對 (金百利廣場) (已結業)

朋友好鍾意食辣，所以同朋友決定去食川菜。最後決定去金百利廣場4樓嘅麻辣派對。餐廳燈光柔和，以花作主題，好有派對氣氛。菜式有水煮、麻辣雞窩、烤桂魚、仲有其他菜式可供選擇，而且有五種辣度可以選擇。仲有大量飲品，以水果茶同檸檬C飲最為特別。每張枱放咗一樽辣椒粉，如果覺得唔夠辣嘅人可以加辣。黑醋伴秋葵，秋葵咬落非常爽口，辣味加上黑醋嘅酸味兩種味道配搭令秋葵更加美味。大刀牛肉小麵，湯底濃郁，麵條煙韌彈牙，牛肉口感嫩滑。水煮味型江團大辣，一上枱已經見到顏色鮮艷嘅紅油，以及無法抗拒嘅麻辣鮮香，江團魚厚身而且肉質結實，鮮嫩的魚肉經過烹飪十分入味，同時辣度適中，沒什麼魚刺，配菜還有水晶粉及魔芋，吸滿了湯汁，食起來相當刺激。冰雪鮮檸C飲，味道帶酸，非常清新。最後仲有甜品桂花蜜附送，有香濃嘅桂花味而且甜度適中，非常解辣。餐廳食物辣度有多種選擇，絕對能夠迎合所有食客，而且店員服務態度一流。