炑八韓烤 (黃金廣場) (已結業)

睇電影前仲有時間食個韓燒，揀左呢個炑八韓燒，之前試過青衣果間印象幾好，所以試試銅鑼灣呢間。佢位置係黃金廣場，呢個商場無銅鑼灣其他商場咁旺，所以可能未必太多人知。今次試左個無法抗拒釜山海之物套餐，個名好特別，入面包左釜山八爪魚、鰻魚、醬油五花肉、梨汁雞肉、豬皮、霜降牛小排。最特別係豬皮，都係第一次用韓燒方式煮，食落口都好淋，唔係乾爭爭果種。服務員態度都幾好，主動會搬個燒板，我地燒左唔係好耐，但都換左三四次。