影片
更多
2024-01-11
20 浏览
早2日去咗【鮨樂】新店... 呢間主打嘅係魚中極品 ~ 本鮪(即係藍鯨吞拿魚🐟)... 提供唔同嘅部位、唔同嘅食法... 鍾意食本鮪嘅真係可以大飽口福! 除咗必食嘅本鮪... 仲有好多時令嘅刺身、和牛、丼飯、燒物等等... 加埋和風嘅餐廳格局... 真係好似去咗日本囉!🤪**新張期間... Openrice有訂座優惠🈹 ... 主菜餐牌指定食品有正價5️⃣折優惠!😍趁住有優惠... 一於盡情食! 我同老友order咗呢d:🔸岩蠔🔸本鮪(吞拿魚)刺身2切🔸本鮪(中拖羅)刺身2切🔸本鮪(大拖羅)刺身2切🔸本鮪(吞拿魚)拖羅丼🔸本鮪(吞拿魚)盛合(5件)🔸香煎鵝肝配米紙黑醋🔸蟹味噌甲羅燒🔸時令寒鰤薄切(洋風)🔸時令刺身盛合🔸鹿兒島西冷和牛巨切壽司🔸椰子雪糕、迷你南瓜雪糕🔸巨峰提子梳打、柑橘柚子梳打呢餐食咗好多本鮪!🤭 其實原本就冇叫咁多嘅... 不過d刺身真係勁新鮮... 遇上呢d神級美食... 實在忍唔住要encore! 老友話我知吞拿魚係分好多級數... 而本鮪係屬於最高級嘅... 難怪每一啖都有入口即化嘅感覺... 尤其係大拖羅... 魚油花紋精緻、油香四溢、鮮甜無比... 依家講起都
**新張期間... Openrice有訂座優惠🈹 ... 主菜餐牌指定食品有正價5️⃣折優惠!😍
趁住有優惠... 一於盡情食! 我同老友order咗呢d:
🔸岩蠔
🔸本鮪(吞拿魚)刺身2切
🔸本鮪(中拖羅)刺身2切
🔸本鮪(大拖羅)刺身2切
🔸本鮪(吞拿魚)拖羅丼
🔸本鮪(吞拿魚)盛合(5件)
🔸香煎鵝肝配米紙黑醋
🔸蟹味噌甲羅燒
🔸時令寒鰤薄切(洋風)
🔸時令刺身盛合
🔸鹿兒島西冷和牛巨切壽司
🔸椰子雪糕、迷你南瓜雪糕
🔸巨峰提子梳打、柑橘柚子梳打
呢餐食咗好多本鮪!🤭
其實原本就冇叫咁多嘅... 不過d刺身真係勁新鮮... 遇上呢d神級美食... 實在忍唔住要encore! 老友話我知吞拿魚係分好多級數... 而本鮪係屬於最高級嘅... 難怪每一啖都有入口即化嘅感覺... 尤其係大拖羅... 魚油花紋精緻、油香四溢、鮮甜無比... 依家講起都仲係好回味呀!🤤
無飯不歡嘅老友特別order咗個〈本鮪拖羅丼〉... 肥美嘅本鮪刺身同拖羅蓉鋪暖暖嘅飯上面... 食落好滋味! 而〈本鮪盛合〉除咗有4件唔同部位嘅本鮪壽司... 仲有6粒拖羅小卷! 特別提一提呢度嘅壽司米係加咗赤醋... 比白醋係更有價值... 赤醋同米飯混合埋一齊... 嗰種香味更加濃郁... 味道更加溫和!
〈岩蠔〉成個手掌咁巨😲 食落去好鮮美又唔腥... 口感順滑!
〈香煎鵝肝配米紙黑醋〉嘅鵝肝好大塊... 外脆內軟... 口感綿滑細膩... 配埋脆卜卜嘅米紙超正呀!
我好鍾意食蟹... 平時都有食甲羅燒... 但係呢度嘅〈蟹味噌甲羅燒〉真係值得試... 蟹殼比一般嘅大... 所以蟹肉、蟹膏嘅份量特別多... 而且配埋脆卜卜嘅魚仔薄脆一齊食非常香口!👍
〈時令寒鰤薄切〉紋理好靚... 配搭埋特配醬汁、葱段、洋蔥... 食落特別清新!
打卡度勁高嘅〈鹿兒島西冷和牛巨切壽司〉必點啦😆... 畀手掌重要大塊仲要長嘅西冷和牛薄切鋪喺壽司飯上面勁吸睛!
最後2款雪糕 ... 椰子味比南瓜味稍甜... 但係都一樣咁好食... 香濃幼滑... 下次我想試埋菠蘿雪糕!🤪
张贴
