Gontran Cherrier (Restaurant) (已結業)

話說去到musea﹐ 我就話去樓上食漢堡包薯條支持下美國企業，gf話想去食下面啲 croissant﹐ 最後屈服嘅就當然係我啦… 落到去見到好多麵包新鮮出爐，但係條人龍就真係長到嚇死人，所以我哋決定舒舒服服坐低堂食~雖然堂食都係要等位，但係起碼可以有少少自由活動空間， 都唔算好耐就已經有枱，因為限聚令係得兩個人， 見到有三個人嘅家庭要分開兩張枱坐…唉~我哋買咗兩個下午茶餐， 另外再嗌咗兩個 croissant, 我實在好鍾意食佢呢個牛角包，我自己本身唔係好鍾意食包之類， 但佢真係整得好好食， 今次少少失策就係嗌得比較多有芝士嘅包， 食完之後真係好飽， 但係佢每一樣麵粉製品嘅味道都做得好好…又或者好啱我口味， 連佢杯咖啡都好濃香， 喺度食個tea 係一種享受， 其實每次嚟都係二百幾兩個人~係唔算貴…