春禧小館 (已結業)

為咗比劣評呢間餐廳，我特登開一個帳號。眼見午市依然有大批食客光顧，而且open rice 上竟然有38個正評真係難以置信。首先，由入門到坐低都完全無人理我，返工時間嘅午市全間舖得三個員工，落單要掃QR code用電話點。可見服務質素有幾高，仍然要收加一。我叫咗夜市炸雞滷肉飯，滷肉飯只有約250g嘅份量，就算文員食都未必夠飽。 最大問題係炸雞未煮熟，食入口凍冰冰，非常恐怖。由於放飯時間好趕急，我無報食環。另外，套餐送嘅紙包茉莉花橙茶係洗潔精味。套餐連+$5台灣腸 加一總共係$80.3。食完依然好肚餓。