利寶閣 (已結業)

一套食神電影，令香港飲食界多了個黯然銷魂飯，今日係menu 上見到，谷飼豚肉叉燒配原盅佛跳牆先$188，叉燒我一向勁鐘意食，邊位有d肥肉質會個滑身又唔鞋，再配隻太陽蛋，淋埋甜豉油，真係男人架浪漫啦！個佛跳牆足料到笑，一盅2個人分，有鮑魚，海參，豬肉雞肉等等，好鮮甜呢個價錢超抵食！食湯料大滿足,晚市民個188好意頭優惠一定要叫。$55 官延茄子 小食，切成粒泡油炸加豬肉碎，香跟惹味。我地仲叫左小菜，大魚大肉搵菜食，出街碟頭飯肉多少菜，唔想老了大腸出事菜係唔好缺少。$68 魚湯雲耳泡菜苗來平衡下。$98 三色椒蒸龍躉頭腩，魚皮好厚又彈牙，甜蒜魚豉油好夾食豪又唔代表一定貴，身材好卻價錢真惠，過時過節可以再來。