影片
更多
2020-11-07
565 浏览
行過海港城LCX，見到這間新開嘅餐廳，被門口這個搞鬼嘅奇太郎公仔吸引到，望望餐牌，原來係食韓國嘢，六點幾見冇乜人，諗住入去食個快飯。可能時間仲早餐廳未坐滿人，店員安排左我坐窗口嘅位置，實在太幸福了，望住香港最靚嘅海景位食飯，我以為海港城其他樓層嘅餐廳先有，冇諗過原來L C X入邊都望到咁靚！點左呢份韓式溫泉蛋生牛肉他他，講真冇去韓國旅行一段日子，已經好耐冇食過生牛肉，見到餐牌上面有，忍唔住要叫一份。呢個生牛肉配左一層蘿蔔粒，超甜！加埋溫泉雞蛋，係好好食嘅，如果牛肉可以再滑溜少少就好啦。店員同我講呢個人蔘雞湯糯米飯係季節限定，既然一場嚟到，季節限定可能冇下次，吸引嘅話幾大都食咗先。呢個糯米飯其實係扮risotto，加咗一層雲泡嘅cream，賣相係幾靚嘅，糯米飯食囉完全唔似糯米飯真係有啲似意大利飯，佢仲撈埋一啲紅棗杞子，真係好有人蔘雞湯嘅養生feel，其實就咁食已經好好食，仲有一壺真人參雞湯，可以倒到埋落去做泡飯，又真係幾夾，不過我唔鍾意太濕，倒剩一半自己飲仲開心，咁啱呢幾日又開始涼，我呢啲虧虧子，真係好鍾意呢啲補野。佢仲有一個好吸引嘅甜品Menu，全日供應，不過一晚食唔到咁多，要會再返嚟
行過海港城LCX，見到這間新開嘅餐廳，被門口這個搞鬼嘅奇太郎公仔吸引到，望望餐牌，原來係食韓國嘢，六點幾見冇乜人，諗住入去食個快飯。
可能時間仲早餐廳未坐滿人，店員安排左我坐窗口嘅位置，實在太幸福了，望住香港最靚嘅海景位食飯，我以為海港城其他樓層嘅餐廳先有，冇諗過原來L C X入邊都望到咁靚！
點左呢份韓式溫泉蛋生牛肉他他，講真冇去韓國旅行一段日子，已經好耐冇食過生牛肉，見到餐牌上面有，忍唔住要叫一份。呢個生牛肉配左一層蘿蔔粒，超甜！加埋溫泉雞蛋，係好好食嘅，如果牛肉可以再滑溜少少就好啦。
店員同我講呢個人蔘雞湯糯米飯係季節限定，既然一場嚟到，季節限定可能冇下次，吸引嘅話幾大都食咗先。呢個糯米飯其實係扮risotto，加咗一層雲泡嘅cream，賣相係幾靚嘅，糯米飯食囉完全唔似糯米飯真係有啲似意大利飯，佢仲撈埋一啲紅棗杞子，真係好有人蔘雞湯嘅養生feel，其實就咁食已經好好食，仲有一壺真人參雞湯，可以倒到埋落去做泡飯，又真係幾夾，不過我唔鍾意太濕，倒剩一半自己飲仲開心，咁啱呢幾日又開始涼，我呢啲虧虧子，真係好鍾意呢啲補野。
佢仲有一個好吸引嘅甜品Menu，全日供應，不過一晚食唔到咁多，要會再返嚟🤣希望下次都有海景位啦。
张贴
