白熊喫茶店 (已結業)

復活節假黎到德福廣場行街，行過見到相當吸引的雪糕bar, 而且仲寫明係用北海道3.7 牛乳造既, 即刻入去試!左揀右揀，最後揀左隻白熊戰船!佢之所以係無敵，相信除左因為佢係"戰船"之外，可能係因為佢係menu內唯一有齊兩隻雪糕味既組合掛....3.7 牛乳原味軟雪糕:入口奶味極濃郁，雪糕無比滑溜，冇得輸。3.7 牛乳綠茶軟雪糕:綠茶味清新香濃，奶味仍然純滑濃郁，確係令人心醉。紅豆:平時好怕出街食紅豆，因為出親街食多數都係超硬唔起沙....但好驚喜呢度既紅豆竟然熟透而且起起沙!糖度適中真係好好味!水果配料: 士多啤梨、藍莓、香蕉都新鮮，非常唔錯的一個香蕉船呀!食完雪糕飲番杯玫瑰花茶, 大大壺都係三十幾蚊。 見到隔離枱個個都食流心蛋飯，個樣好似都幾靠得住，下次一定要黎試過先得!