旺記冰室 (惠芳閣)

营业中

休息中

經過旺記，想食佢哋遠近馳名嘅日本炒蛋，就買個外賣返屋企嘆下😬餐牌貴精不貴多，主打滑蛋+主菜，我一向鍾情呢度嘅豬，無論叉燒、豬扒都好好食，睇得出呢度著重質素，呢個價錢食到更優質嘅食物。諗咗一輪，就食海鮮XO醬豬肉眼豬扒飯 $58，包飲品；另加$10配日本炒滑蛋。日本炒蛋，無得頂！係屋企整開炒蛋嘅都知道呢個份量，起碼要2隻蛋先夠炒；而且滑滑的，火喉剛好，好食丫。XO醬配肉眼豬扒，XO醬好惹味，似自家出品，辣度剛好，加落d炒蛋度一齊食，超正🥰肉眼豬扒有3大塊，而且厚切無骨，對女仔嚟講好豐富😊肉眼豬扒整得淋滑，餣得入味，又少少燶邊，送飯一流。