影片
更多
2023-07-09
29 浏览
隨變真係食咗十幾年，可以話佢係我咁多年嚟，最鐘意嘅雞煲。銅鑼灣光鮮好多，仲要有無敵海景！餐廳款式都有好多，有雞煲、干鍋、串燒、刺身等可以選擇!⭐️ 麻辣雞煲 $208半隻❤️一打開個蓋已經香味撲鼻，呢間嘅雞煲同其他舖頭唔同，通常都係爆炒完，再加湯，佢係本身入邊已經有湯喺度！我哋叫咗微辣，同出邊嘅普通小辣差唔多，雞肉嫩滑，通常出邊嗰啲都好鞋，呢個連雞胸都ok!煲入面亦有洋蔥、芹菜等配料，好惹味。🥰⭐️頂級手切牛頸脊 $288大約有10片，肉質軟腍，油脂balance啱啱好。⭐️即炸響鈴 $58響鈴新鮮炸起，炸得金黃，非常鬆脆。⭐️必食手工魚皮餃 $38外皮口感煙韌，裡面的豬肉味很香很新鮮。煙韌的外皮與餡料形成強烈對比🤤，吸收了湯汁後更是滋味🎉。⭐️餃子併盤 $68各款餃子非常高質素，包括有魚皮餃、雲吞、黑松露餃、韭菜餃。我自己最鍾意係魚皮餃，皮個煙韌，豬肉鮮香。本身唔知原來入邊有魚皮餃，所以仲戇居咗另外單獨叫咗一碟魚皮餃，所以total有六粒><⭐️隨變粉 $33個樣有啲似紅薯粉，但食落比較腍身，吸左湯嘅味，正！⭐️燒牛舌心 $48燒牛舌心一串三件，簡單用鹽調味已經出色！口感爽心，唔會乾
隨變真係食咗十幾年，可以話佢係我咁多年嚟，最鐘意嘅雞煲。銅鑼灣光鮮好多，仲要有無敵海景！餐廳款式都有好多，有雞煲、干鍋、串燒、刺身等可以選擇!
⭐️ 麻辣雞煲 $208半隻
❤️一打開個蓋已經香味撲鼻，呢間嘅雞煲同其他舖頭唔同，通常都係爆炒完，再加湯，佢係本身入邊已經有湯喺度！我哋叫咗微辣，同出邊嘅普通小辣差唔多，雞肉嫩滑，通常出邊嗰啲都好鞋，呢個連雞胸都ok!煲入面亦有洋蔥、芹菜等配料，好惹味。🥰
⭐️頂級手切牛頸脊 $288
大約有10片，肉質軟腍，油脂balance啱啱好。
⭐️即炸響鈴 $58
響鈴新鮮炸起，炸得金黃，非常鬆脆。
⭐️必食手工魚皮餃 $38
外皮口感煙韌，裡面的豬肉味很香很新鮮。
煙韌的外皮與餡料形成強烈對比🤤，吸收了湯汁後更是滋味🎉。
⭐️餃子併盤 $68
各款餃子非常高質素，包括有魚皮餃、雲吞、黑松露餃、韭菜餃。我自己最鍾意係魚皮餃，皮個煙韌，豬肉鮮香。本身唔知原來入邊有魚皮餃，所以仲戇居咗另外單獨叫咗一碟魚皮餃，所以total有六粒><
⭐️隨變粉 $33
個樣有啲似紅薯粉，但食落比較腍身，吸左湯嘅味，正！
⭐️燒牛舌心 $48
燒牛舌心一串三件，簡單用鹽調味已經出色！口感爽心，唔會乾爭爭！
张贴
