星小宴

营业中

休息中

同男朋友拍拖去左黃金海岸，天氣又凍凍地，最岩去「星小宴」望住海景嘆碳火雞煲前菜有風乾秋葵同魚乾仔，兩樣都係脆卜卜鹹鹹地。雞煲用個大瓦煲煮，就算係室外有風都一放低就聞到啲香味爆曬出黎。瓦煲再加上碳火爐，熱力好夠，所以裡面啲雞煎到好香好脆，其他香料都充分爆香哂。因為唔食得辣，所以淨係叫左小辣，都已經非常惹味。由於熱力太勁既關係，當啲雞食到差唔多就建議可以夾起先，然後叫定遮遮加湯準備邊爐，如果唔係就會好容易煮燶啲香料同雞啦。邊爐料裡面魚頭幾出色，邊位既肉幾嫩幾鮮。牛肉都好有牛味，同埋已經充分解凍，完全無雪藏味，另外有俾啲心思擺盤，令人特別有食慾。同男朋友兩個禁食下雞煲，傾下心事，認真唔錯！