影片
更多
2018-03-02
613 浏览
去到銅鑼灣一間專門食麻辣火鍋嘅台式專門店，位於金朝陽二期，屬於中價火鍋店，我哋四個就上去試吓。餐廳裝修好有氣派，有中國傳統屏風嘅設計，每一台都好似包廂咁有私穩度，另外靠近窗邊位置仲可以望到夜景，難怪全場爆滿。我哋隨即就叫咗鴛鴦湯底，分別係野菌同埋麻辣湯底，飲一啖湯都非常鮮甜，而且麻辣湯底唔算太辣，好惹味添。牛肉方面都有好多款選擇，我哋就揀咗三款唔同款式牛肉，包括係嚴選新鮮手切牛頸脊、美國頂級牛小排同埋澳洲M7和牛Kaiubi。所有牛肉都好新鮮，驟眼睇有一點點嘅白色雪花條紋，而且牛肉嘅軟硬度都有分別，我就比較喜歡食軟綿綿口感嘅牛頸脊，食落去牛肉味道非常濃郁，完全唔需要點醬汁已經好好味。火鍋配料包括我最鍾意嘅綜合鮮餃拼盤，每一隻餃子都好大隻，而且皮薄餡靚，入面仲有好大隻蝦肉。除此之外，仲有綜合菇盤、翠綠時蔬拼盤、綜合丸子🍡拼盤同埋極上冰凍烏龍麵。最特別嘅係是時蔬拼盤中有冰菜，望落去葉嘅面頭好似有一粒粒冰咁，食落去口感好得意。特別推介佢嘅果汁系列，橙汁完全係新鮮即渣，我一口氣已經飲咗兩杯了。最後埋單都只係＄2000，每人平均消費＄500左右，已經可以享用咁高質素嘅火鍋🍲，而且有露天無敵海景嘅
餐廳裝修好有氣派，有中國傳統屏風嘅設計，每一台都好似包廂咁有私穩度，另外靠近窗邊位置仲可以望到夜景，難怪全場爆滿。
我哋隨即就叫咗鴛鴦湯底，分別係野菌同埋麻辣湯底，飲一啖湯都非常鮮甜，而且麻辣湯底唔算太辣，好惹味添。
牛肉方面都有好多款選擇，我哋就揀咗三款唔同款式牛肉，包括係嚴選新鮮手切牛頸脊、美國頂級牛小排同埋澳洲M7和牛Kaiubi。
所有牛肉都好新鮮，驟眼睇有一點點嘅白色雪花條紋，而且牛肉嘅軟硬度都有分別，我就比較喜歡食軟綿綿口感嘅牛頸脊，食落去牛肉味道非常濃郁，完全唔需要點醬汁已經好好味。
火鍋配料包括我最鍾意嘅綜合鮮餃拼盤，每一隻餃子都好大隻，而且皮薄餡靚，入面仲有好大隻蝦肉。
除此之外，仲有綜合菇盤、翠綠時蔬拼盤、綜合丸子🍡拼盤同埋極上冰凍烏龍麵。
最特別嘅係是時蔬拼盤中有冰菜，望落去葉嘅面頭好似有一粒粒冰咁，食落去口感好得意。
特別推介佢嘅果汁系列，橙汁完全係新鮮即渣，我一口氣已經飲咗兩杯了。
最後埋單都只係＄2000，每人平均消費＄500左右，已經可以享用咁高質素嘅火鍋🍲，而且有露天無敵海景嘅地方，除咗食飯之外，仲可以喺露台談心飲嘢添。张贴
