影片
更多
2021-06-20
1461 浏览
2021年6月8日 星期二呢排見老婆訓得唔太好，返工又大壓力，所以打算帶佢食好啲，俾個驚喜佢，於是專登預約左呢一間餐廳老婆一上到去就嘩左一聲，因為無諗到餐廳望到嘅景觀會咁靚，我哋上去既時間咁岩準備日落，所以睇到個太陽慢慢降落，之後仲可以睇埋夜景，真係無得彈！！食物方面，餐牌準備咗唔同種類既套餐，價錢當然根據裡面嘅菜式而定，最後我哋選擇咗呢一款樁•席前鉄板燒，有鮑魚同A5和牛，老婆已經話急不及待想食一點完餐店員就送上前菜，包括有糖醋蕃茄、魷魚青瓜同類似海澡既植物，食完之後都幾開胃，特別係蕃茄，酸酸甜甜，又易入口，食完之後令到我更加期待之後嘅主菜之後有三款刺身，全別都好厚切同新鮮，其中赤身仲入口即融咁添，至於鱆紅魚就好有咬口，完全食唔到有魚骨，睇得出師傅嘅刀功跟住師傅拎左A5和牛出嚟俾我哋睇一睇，因為好快就會拎去薄燒，好明顯已經見到和牛嘅脂肪分布好平均，有好清晰嘅紋理，而且睇落好大塊，凈係睇都流晒口水，好想知道一陣間食落去係咩味道然後其他菜式開始陸續送上，有燒南非鮑魚，師傅已經切開一嚿嚿，方便進食，鮑魚咬落去一啲都唔韌，仲幾有鮮味添之後有燒白鱈魚，比起一般既銀鱈魚更加彈牙，魚質更有咬口，上
呢排見老婆訓得唔太好，返工又大壓力，所以打算帶佢食好啲，俾個驚喜佢，於是專登預約左呢一間餐廳
老婆一上到去就嘩左一聲，因為無諗到餐廳望到嘅景觀會咁靚，我哋上去既時間咁岩準備日落，所以睇到個太陽慢慢降落，之後仲可以睇埋夜景，真係無得彈！！
食物方面，餐牌準備咗唔同種類既套餐，價錢當然根據裡面嘅菜式而定，最後我哋選擇咗呢一款樁•席前鉄板燒，有鮑魚同A5和牛，老婆已經話急不及待想食
一點完餐店員就送上前菜，包括有糖醋蕃茄、魷魚青瓜同類似海澡既植物，食完之後都幾開胃，特別係蕃茄，酸酸甜甜，又易入口，食完之後令到我更加期待之後嘅主菜
之後有三款刺身，全別都好厚切同新鮮，其中赤身仲入口即融咁添，至於鱆紅魚就好有咬口，完全食唔到有魚骨，睇得出師傅嘅刀功
跟住師傅拎左A5和牛出嚟俾我哋睇一睇，因為好快就會拎去薄燒，好明顯已經見到和牛嘅脂肪分布好平均，有好清晰嘅紋理，而且睇落好大塊，凈係睇都流晒口水，好想知道一陣間食落去係咩味道
然後其他菜式開始陸續送上，有燒南非鮑魚，師傅已經切開一嚿嚿，方便進食，鮑魚咬落去一啲都唔韌，仲幾有鮮味添
之後有燒白鱈魚，比起一般既銀鱈魚更加彈牙，魚質更有咬口，上面仲加左調味，令到魚肉既味道更豐富
呢個係燒大蝦，無諗過裡面既蝦肉會有咁多，師傅仲將蝦膏整成醬汁，令到食落去有雙重既蝦味
終於到主角登場，就係A5和牛，師傅將和牛燒熟，之後放上蔥包住，再放係麵包上面吸油，所以食落去唔會太過油膩，反而牛肉真係入口即融，牛肉味好濃郁，加埋葱令到味道更上一層樓，好食到停唔到口
最後仲有個炒飯，加入咗好多唔同嘅配料，例如紅蘿蔔粒、葱粒、雞蛋碎同豚肉等等，炒得好香，夠晒鑊氣，每一粒飯都炒得好分明，食完之後真係飽曬
最後估唔到仲有甜品，係最邪惡嘅砂糖多士，師傅將砂糖放喺麵包上面，然後再烘熟，砂糖慢慢變成焦糖，痴住係麵包，咬落去脆卜卜，甜度我覺得啱啱好，唔會太過甜，但係見到師傅加砂糖嘅份量就覺得好邪惡。。。。。
埋單雖然感覺有啲貴，不過絕對係物有所值，性價比好高
张贴
