翠華餐廳 (已結業)

擒日朝早咪咪係薄扶林見工，之後坐小巴落去中環，都未夠11點！呢個時間當然就要搵個地方食早餐啦！大快活既早餐成日食，於是呢日就唸住去平日好少去既翠華餐廳！翠華既早餐食到11點半，係一個喜訊，於是咪咪叫左個B餐（$25），包括：沙爹牛肉公仔麵，嫩滑炒蛋，牛油豬仔，熱阿華田。沙爹牛肉公仔麵：見到麵係清湯底，沙爹牛肉就一堆放係中間，咪咪撈勻之後食，發現沙爹牛肉都幾鹹下，以當日第一餐黎講確實唔係幾健康，令到公仔麵都有強烈沙爹味，麵質都唔錯不會糊糊的，係福字麵啦，係飽肚之選。嫩滑炒蛋：大快活的炒蛋好，而這個炒蛋就更好！蛋一定夠兩隻份量而且係大蛋，炒到企身仲有蛋汁，真係好正好滑！極推介！牛油豬仔：好乾，可能太少牛油，雖然熱熱地又夠脆，但係唔及食開既奶油豬，感覺比較實的的，勝在有包包落肚，個樣又幾可愛。熱阿華田：咪咪係無奶茶無咖啡既生活下，叫左熱華田，唔駛落糖好夠味，OK啦！比起其他翠華，咪咪都係最鐘意呢間，而且佢檯與檯之間隔得比較開，無咁迫。咪咪自己一個坐一個二人位，當時又無乜人食服務都算唔錯，勁正！