香港洲際酒店大堂酒廊 (已結業)

周老婆鋸完扒，時間尚早只九點鐘，行上來見個落地大玻璃的無敵大海景極之正，又有live band，氣氛唔錯，疏化椅又好坐，就同老婆又坐低飲杯野。星期六夜晚人亦不算多，呢度on list的雞尾酒選擇不多，只得八款左右。我們叫了Tropical Breeze同埋Black is Black。飲品來到老婆竟對我那杯有興趣，所以我就飲了Tropical Breeze，如無記錯，係紅莓汁加芒果加椰汁，味道是可以想像的酸酸地甜甜地，會幾適合女士；佢話我那杯Black is Black怪怪地，早知留番比我飲啦！坐到十點幾，埋單百三蚊左右，來傾計有靚景有live band，幾好坐服務又唔錯，係要番咁上下價錢。題外話：是晚望出星光大道，仍然人頭湧湧，絡繹不絕。似乎我們看在心目中不吸引的東西，在遊客眼中還有可看之道。