Cinnabon (奧海城2期) (已結業)

今日同朋友經過奧海城嘅商場，一行到商場入邊就發現咗一間店舖有條好長好長嘅長龍，我哋都好好奇咁行過去睇睇，係玻璃櫃度見到好多新鮮出爐嘅肉桂卷仲有唔同口味嘅添，見到都流晒口水！所以我同朋友都即刻排隊，我哋仲買埋Cinnabon roll，當日仲做緊迎新優惠，只要下載佢嘅app，註冊咗就送你一杯咖啡，真係好抵！我哋當然都唔會錯過呢個機會！雖然都排咗一陣隊，都迫不及待想去試吓佢嘅味道！我哋買完就立即喺food Court度試咗，真係唔怪之得有咁多人排隊，真係超超超超超好味，雖然肉桂卷嘅味道都偏甜，我平時雖則食少甜，但食咗一啖之後完全停唔到口，個杯咖啡更加好好飲！希望佢可以開多啲分店！咁就隨時都可以食到啦