麻辣派對 (金百利廣場) (已結業)

無辣不歡嘅晚飯又來啦😍💓日日落雨梗係要食啲辣野驅下濕氣🔥有時諗諗吓自己都幾顛🤣平時lunch已經會嚟食！夜晚再幫襯叫呢度做飯堂一啲都冇錯🤣同大家介紹一下我必order嘅送飯之選《山城回鍋肉》😎半肥瘦嘅五花腩肉，吸晒辣椒嘅麻辣香味！今次仲要挑戰大辣🌶😎不過要數今次最正嘅一定係呢一個＂麻辣水煮桂花魚＂提一提醒大家好多時出邊食嘅水煮魚都係用龍脷柳，龍脷柳吸唔到香味魚肉又冇質感，得個滑字，所以我每次order前都會問一問係用乜嘢魚，毋庸置疑桂花魚係水煮嘅首選👍🏻魚肉吸晒麻辣湯汁嘅精華，結實又有彈性，配料方面當然有我最鍾意嘅萵筍、蒟蒻同肥牛！食完辣野感覺真係爽🤤👍🏻