熨烤達人 (已結業)

突然想食韓燒，所以就約咗朋友黎旺角呢間熨烤達人啦佢門面只係一間普通既韓燒店，估唔到入面既裝橫好有工業風，幾特別，仲有兩個facebook打卡位，啱哂喜歡影相既朋友！食韓燒，裝橫唔係最重要，欣賞呢間店抽風設備做得幾好，唔會食完一身油煙味！店內既設計都好貼心，客人可以將隨身物品放入椅子入面，咁就可以毫無牽掛咁大快朵頤！朋友與我二人叫咗一個「熨斗烤壓」dinner set，份量都好足夠，因為餐廳會無限量提供蛋漿(餐廳仲額外提供芝士粒等既配料，俾我地按自己喜歡既份量放入蛋漿中，拉司真係好邪惡呀！😋😋）、生菜、三款泡菜芽菜等既小食，好開胃，食多幾舊肉都唔怕！like咗佢個facebook仲會送你一杯飲品！朋友同我都叫咗荔枝梳打，味道唔太甜，剛剛好！店員好有善好熱心，首先幫我地燒五花腩，呢個係成個套餐既重頭戲！佢將一舊舊肥美既磚頭五花腩用一個「熨斗」熨壓，燒到好香，之後再幫我地剪開一小塊，方便進食！燒完五花腩後，店員幫我地換過爐面後就開始燒其他既肉類，一口雪花牛粒非常有牛味，肉質頗嫩滑！總括嚟講呢個套餐非常豐富，主打嘅五花腩超級推介，絕對係一個好既用餐經驗！