佢話之前怕考試會肚痛，一直唔敢食生冷野，今日點名話要食魚生喎，我醒起之前係雜誌見到荃灣有間大丼屋，一於黎試下。呢度係近荃新天地果邊，係百悅坊一上電梯就到了，我地六點半左右黎到，未係好多人，店員客氣有禮，服務算不錯
Menu上選擇唔算好多，但有齊魚生丼、熟食丼同埋咖哩飯，小食樣樣都好吸引，搞到我同表妹都諗左好耐先落order
呢度好有效率啊，落左order唔夠10分鐘就有得食，我表妹揀左個巨形富士山丼，係全場最豪啊，雖然冇menu張想疊得咁高，但都唔少野，有齊海膽、魚子、蟹肉、吞拿魚茸同埋兩隻大蝦，淨係食餸都飽了，分量真係唔野少，一個字，扺！
而我揀咗個同樣係招牌嘅燒牛肉丼，牛肉夠厚身，啖啖肉，撈勻埋粒蛋黃，好好味，不過兩個丼啲白飯都真係好多，我諗我同表妹share一個丼都已經夠了
我哋仲帶咗兩個小食，雜錦天婦羅同埋炸魷魚酥，炸魷魚鬚香口惹味，天婦羅用料新鮮，估唔到呢度啲炸物不錯啊
我表妹對呢餐飯十分滿意，見到佢食得開心，我都好滿足，兩個人食咁多野再加枝波子汽水都係＄400 ,真係唔錯架
