就決定黎試下佢係咪真係咁美味～
入到舖頭 播住既都係泰文歌
而且以木調做主題 好似真係飛左去泰國咁🇹🇭
泰式明爐烏頭🐟
都係一道classic既泰國菜
條烏頭比預期大條而且新鮮！
食落一啲泥味都冇
配料都落得好足 一啲都唔手軟
有洋蔥、菌類、芫荽、蔥、辣椒絲🧅🧄🌶️
因為我地唔太食辣 所以椒絲就落少啲
加埋蒸魚既汁係酸酸辣辣
成道菜越食越開胃！😋
條魚既魚肉結實
絕對唔係唔新鮮個種軟腍腍既肉感
而且上枱有個火爐一路熱住🔥
唔怕條魚會凍
係好食既泰式烏頭!
泰式蟹肉炒飯🦀
蟹肉炒飯超足料！一上枱已經好香蟹肉味
飯都炒得粒粒分明好有鑊氣
蟹肉一梳梳好大舊 真係食到好多蟹肉
絕對對得住個價錢
佢另外仲有青檸可以自己榨青檸汁🍋🟩
啖蟹肉飯加上清新既青檸味
又係另一個感覺 減少左個油膩感！
串燒拼盤三串🍖
有齊雞、牛同豬既串燒配上特製既沙嗲醬
非常香口 肉又燒得恰到好處👍🏼
最後叫左杯泰式奶茶同龍眼冰🍹
泰茶比起港式奶茶多左份甜味
同時好重茶味☕️好好飲🥹
而龍眼冰都唔會太甜 仲好多龍眼食添！
見成間店既老闆同員工都係泰國人
煮既泰國菜都正宗啲！
果然係美味的泰國菜～😆
