影片
更多
2021-07-08
183 浏览
今晚突然之間好想食泰國菜，所以二話不說就去咗九龍城，講到出名嘅泰國菜，首選一定係小曼谷啦！而家小曼谷點菜非常方便，用手機落單，可以自己慢慢揀，方便店員之餘又方便到客人。因為我好鍾意食金邊粉，所以主食就揀咗呢一個，金邊粉上面有三隻大蝦，食得出唔係雪藏蝦，啖啖肉，一啲都唔霉。旁邊嘅花生碎亦都好新鮮，一啲怪味都冇，總括嚟講係好味嘅！我仲叫咗個泰式酸辣鳳爪，份量都唔少，酸酸辣辣咁非常開胃!至於個泰式馬拉盞炒通菜,大家嚟到一定要叫,因為真係好惹味,好有穫氣之餘仲非常之香口,份量又多,兩個女仔食都爭啲食唔晒。忍唔住叫咗兩串串燒試吓，分別叫咗豬肉沙嗲串燒同埋雞腎沙嗲串燒，佢個沙嗲醬好好味，好有以前喺泰國食串燒嘅風味，豬肉每一舊都好大粒，而且唔韌，雞腎亦都唔乾唔柴，兩樣都值得試吓。至於飲品方面，嗌咗椰皇沙冰同埋椰青，椰皇沙冰入邊有少少椰子肉，唔太甜，啱晒而家咁熱嘅天氣飲。椰青亦都非常之鮮甜，一啲都唔酸，臨尾仲刮咗少少肉嚟食，正！
而家小曼谷點菜非常方便，用手機落單，可以自己慢慢揀，方便店員之餘又方便到客人。
因為我好鍾意食金邊粉，所以主食就揀咗呢一個，金邊粉上面有三隻大蝦，食得出唔係雪藏蝦，啖啖肉，一啲都唔霉。旁邊嘅花生碎亦都好新鮮，一啲怪味都冇，總括嚟講係好味嘅！
我仲叫咗個泰式酸辣鳳爪，份量都唔少，酸酸辣辣咁非常開胃!
至於個泰式馬拉盞炒通菜,大家嚟到一定要叫,因為真係好惹味,好有穫氣之餘仲非常之香口,份量又多,兩個女仔食都爭啲食唔晒。
忍唔住叫咗兩串串燒試吓，分別叫咗豬肉沙嗲串燒同埋雞腎沙嗲串燒，佢個沙嗲醬好好味，好有以前喺泰國食串燒嘅風味，豬肉每一舊都好大粒，而且唔韌，雞腎亦都唔乾唔柴，兩樣都值得試吓。
至於飲品方面，嗌咗椰皇沙冰同埋椰青，椰皇沙冰入邊有少少椰子肉，唔太甜，啱晒而家咁熱嘅天氣飲。椰青亦都非常之鮮甜，一啲都唔酸，臨尾仲刮咗少少肉嚟食，正！
张贴
