韓食

平時會係附近買午餐食，見到間小食店新開，食物廿幾蚊左右，唔貴，不停有人落order ，就試一試！結果發現新大陸，以後又多一個選擇啦！

甜辣炸雞槌
韓食主打菜，點可以唔叫？雞槌似“葉”過黎，好入味，出面有層粉沫“葉”料，似盬酥雞果只味，炸到脆脆，入面熱辣辣，再撈埋啲甜辣醬，味道剛剛好！又香口，正！

甜辣雞槌

$20

紫菜包飯
25蚊一盒，抵食！飯卷捲得好實，唔會散開，每件大小差不多，排得幾靚！飯係珍珠米，加左少量醋，食到微酸既味道。個汁我估佢地自己整既，咸咸地，點飯捲食一流！

紫菜包飯

$25

雪櫃有各式既韓國飲品，價錢同普遍店舖差不多。蜜桃溝鮮奶呢只味未試過，都幾好味！下次再黎試下其他先！