洋麵屋 五右衛門 (已結業)

男友在九龍灣上班，星期六下午通常接埋佢收工一齊食野， 點知果日去到九龍灣佢先話要OT，唯有行住街等佢啦，行下行下開始肚餓，但佢仲未走得！！哼，唔理咁多啦，唔知等到幾時，咁岩就見到呢間 洋麵屋 五右衛門，睇落門面四四正正，咁肚餓都唔想又行又揀了，就入左去坐啦。可能時間仲早，都唔算太多人。睇鋪名我以為佢食日本拉麵果類，但望下餐牌，原來係食意粉同牛扒，牛扒我就冇乜興趣，我都係專攻意粉。最後我揀左香辣八爪魚魷魚意大利麵個樣睇落就好吸引，食落唔知又點呢？意粉軟硬適中，唔會太淋，我好怕食Ｄ好淋既意粉啊意粉濃味但唔香，雖然話係香辣，但我就食唔到辣味啦，反而莞茜味好重。八爪魚同魷魚都係得幾舊，意粉就一大碟埋單最後$88包野飲，有D貴又唔太好食，下次我都係過反對面Ｍ記算啦