皇后小聚 (已結業)

今日lunch前仲煩緊食乜好，同事突然攞咗張coupon出嚟，話公司附近開咗間新餐廳，橫掂諗唔到食咩～見又有優惠，咪一行五人去試下。餐廳喺一間未開張既酒店的二樓，喺樓下坐上去，一入到餐廳見到啲裝修，個心即刻諗……咁靚既，啲嘢食會唔會好貴?但昨天打風唔洗返工，有兩日lunch既budget可以用，一世人豪一次，今日决定食豪啲一坐底見到個餐牌，價錢一啲都唔貴喎，同事們立馬睇下叫咩食先，但佢地睇個餐牌睇咗好耐都未揀好，因為都幾多選擇下，最後擾攘咗成五分鐘，終於决定叫四人套餐(因為個侍應強烈推介個招牌菜……瑤柱雞，話第二度食唔到)加多個烤豬肉撈檬。侍應哥哥好好人，送咗每人一杯青檸soda，但頭先搞咗咁耐，而我地呢啲打工仔食lunch都係得嗰一個鐘，正想叫個侍應哥哥快啲上菜既時候，佢就已經上咗每人一碗既老火湯-粉葛鯪魚湯，外面其他既餐廳最多都喺碗湯裏面俾少少湯渣你，呢度竟然湯渣另外上㗎飲完碗湯，啲餸就啱啱好上瑤柱雞……呢個真係無得輸，不塊為招牌菜，睇個樣似海南雞，但食落完全唔係海南雞嗰種味，侍應哥哥話因為師傅加咗啲香料同用瑤柱汁整既……半隻雞，唔洗五分鐘食哂，真係好好味魚香茄子煲……好有咸魚味