NORAYO K.Cafe (已結業)

同朋友係尖沙咀行街，想試韓國野諗住去韓國街睇下有咩好食，點知係加連威老道見到呢間既menu好似幾好又唔貴，就即管試一試啦!嗌左個餃子辛辣麵同一杯latte，我都知食韓國野飲咖啡係好唔正常，但間cafe俾人既感覺就係要嘆返杯咖啡@@ 份量唔算多，岩女仔食，亦唔太辣，啲麵寫到岩岩好唔會太淋，餃子就普通食開既韓國餃子無咩特別。可惜個麵唔夠芝士，唔係好食到芝士味，就少左啲地道既感覺啦! 好彩佢隻蛋都有少少溏心，好好味!