丼日本咖哩專門店 (已結業)

無意中知道呢間食肆的存在，聽人話價錢經濟，主食日本咖喱。趁要同師兄食飯傾野，大家又唔想食太貴，就揀來這裡。星期一晚上七點多，只有一台客，有點被嚇到，幾懷疑呢間食店既質素。但唔來都來到，也無理由唔入去一試，於是抱住一試無妨，好又一餐唔好又一餐的心態去了。睇睇menu，果然全都是吃日本咖喱，咖喱品種幾多，有些還幾創新，如什麼雜果咖喱等。為安全起見，我們都只是選了豬扒和牛肉薯餅兩款，再要一份小食－炸雞粒。可以用那部八達通機或自已出去order，我地年紀大了，無興趣玩高科技機械，出去order便算。先有沙律，一杯仔咁上，就比較馬虎，生菜和車厘茄算普通。小食的炸雞粒，炸過了火，肉也不多，幾不濟！之後主食的牛肉薯餅咖喱飯，牛肉和薯茸打爛混在一起，有點糊口，而外皮香脆，味道唔錯，送飯都幾岩。日式咖喱汁，不是太辣，有微甜，味道調配得十分好，送飯肯定掂，不一會就把成碟飯掃清。也試了一件師兄的炸豬扒，外脆，肉嫩滑兼鬆化，比我既牛肉餅更好。總括而言，主食好好，雖然小食及沙律未達標，但店名叫日本咖喱專門店，而佢既咖喱又做得好既話，呢個笑面都好值得俾。