Madison's (MegaBox) (已結業)

女朋友表完演，同埋佢屋企人一齊去左Mega Box食飯。本身想食另一間西餐，點知無位，所以就去左附近另一間餐廳食。餐廳無套餐，所以我們就a la carte。先黎前菜的沙律⋯ 呢個橙醋汁仙人掌素雞肉沙律食落微微酸，幾開胃。素牛肉醬芝士焗手製千層麵，食落真心唔知自己食緊素，食落好香，不過份量略少。牛肝菌野菇黑松露意大利飯的汁好濃郁，每粒飯都好有咬口，而且好多菇味。我們本身想叫牛柳，不過牛柳$298 6安士、肉眼排$320 12oz，比多22蚊就有一倍重的肉，所以我們揀左後者。牛扒唔算特別厚，不過肉味都幾濃，係抵食之選。本身唔知牛排會有薯蓉，所以我們額外叫左一份薯條。粗身的薯條的薯味會香D，加上炸得金黃，好快就比大家清曬了。