滿江紅小甜甜 (已結業)

皮蛋除咗係我去到邊都必點嘅前菜之外，嚟到小甜甜絆住皮蛋嘅酸薑係十分有解辣嘅作用。皮蛋流心同無押味，加分。未到之前已經打嚟問清楚，今晚有冇魚春，魚卜同埋豬腦，因為冇其中一樣嘅話我都未必會去。其實已經叫小小辣，不過都好辣。如春都保持水準。但係魚卜就變晒， 一係好難咬，一係淋都唔使咬。豬腦依然係最好食，軟滑入晒味。仲要不得不提薦底嘅白蘿蔔條，青瓜條同薯仔條，吸晒啲湯汁之後真係無敵。試咗個泡椒雞雜，泡椒味麻麻哋，唔夠酸又唔知點咁，雞雜又乾爭爭。