千山萬水上到去山頂廣場, 拍車要30一小時... 貴... (後尾先知到食滿200可三小時免費)
上到一樓, 易搵, 小人, 開頭諗會唔會報紙言過其實, 咁好食點會無人? (場好大, 但只有五枱客)
入到去, 好驚喜, 竟然有露天雅座, 大部份座位對凌宵閣或南區海景, 座位仲要好舒服, 跟住, 我女朋友見有咁的環境, 當然要睇下餐牌啦.... (手震)
大大大大大大大發見
52蚊生牛河, 54蚊水晶包, 越南春巻, 牛油雞翼...................... 仲平過我屋企樓下
野食未來到, 已經覺得就算點難食, 呢個環境已經抵晒
生牛肉河... 最重要的湯底竟然做得咁好.... 河粉滑...
水晶包, 春卷都OK, 水晶包皮需然不太薄, 但勝在有一塊圓扎肉放底, 口感非常好
牛油雞翼香, 但牛油不太夠, 同埋應該炸雞翼的油唔夠滾, 所以欠小小香脆... 扣小小分
跟住食埋甜品, 叫埋野飲, 埋單... O NO, 300蚊唔駛, 在山頂食仲要咁好環境, 真係無諗過
不過可能知名度唔夠高, 所以平時做開CD-ROM, 今次都一定要寫下食評, 因為唔想佢咁快做唔住
生牛肉河湯底可以反映一間越南料理做的有幾認真... 呢間, 80分以上的.......
