味一番

营业中

休息中

不嬲都好鍾意食日本野，但呢輪太多新聞講刺身有蟲，令人有啲卻步。今晚朋友生日，避不了日本餐，但食完實在太有驚喜。佢嘅前菜已經夠特別，係淮山芥末八爪魚，好開胃。同朋友叫咗左口魚同特上錦繡刺身，佢嘅刺身全部都係即叫即切，勁新鮮勁甜。壽司我哋試咗白蝦同池魚(上面有蟹膏），有油香但一點都不膩！串燒就試咗牛脷同埋煙肉蠔；前者厚薄適，燒得剛剛好所以好Juicy，而香口嘅煙肉包住肥美嘅蠔，都同樣出色。最後一定要提嘅係鯛魚湯稻庭烏冬，零味精，湯底好鮮甜，烏冬又彈牙，呢間餐廳絕對值得encore。