泰濃麵 (蘭芳道) (已結業)

最近岩岩同朋友去完泰國旅行，反左黎香港之後成日心思思想食泰國菜，趁星期五收工後Happy Friday就去左公司附近間泰國餐廳“泰濃麵”回味下泰國船麵，平時門口經過見裝修都幾特別，今次入埋去舖頭入面先見到裝修好有心思，除左門口架Tuk Tuk擺設之外，餐廳入面掛既都係泰國街頭景象的油畫，什至連地磚和餐具都泰國味十足。除左裝修之外，員工既態度仲好主動，起特地睇緊餐牌的時候，店員主動同我地推介這店的船湯湯底係用左多種材料熬制，起佢積極推介下，於是我地落單叫左兩個船湯湯底，我朋友叫左雞髀肉，我就叫左飛驒和牛，除主菜外，仲叫左兩個小菜 - 青木瓜沙津和炸豬皮，飲品就叫左泰式香茅班蘭梳打特飲和泰式青檸梳打特飲。落左柯打後等左一陣食物就陸陸續續上菜，首先，小菜方面，青木瓜沙津酸酸辣辣，非常開胃，炸豬皮鬆脆香口，如果配啤酒就一流；而主菜方面不遑多讓，個船湯湯底好夠味之餘無搶走到和牛的鮮味；飲品方面，我朋友叫既泰式香茅班蘭梳打特飲，口味獨特，鍾意試新野既朋友仔可以嘗試一下。總括黎講，“泰濃麵”的CP值相當唔錯，絕對會推介俾身邊既朋友仔再黎幫襯。