品茶弄啡 (已結業)

今日同個老友出黎食下飯，咁我地就簡簡單單咁樣食左碗雲吞麵，食完之後就佢話請我食麵，我就回禮話請佢飲野啦！咁行過漢口道嘅時候，見到e 間飲品店門口都有幾個人排緊隊，咁我就一向都係鍾意幫襯d客人多嘅舖頭呀！因為客人多d野先會新鮮呀！埋去望下佢個餐牌先。見到個menu都有好多款飲品，有茶，有奶茶，有水果茶同咖啡系列等，但係由於太夜啦，所以我就唔選擇咖啡系列啦！咁我就好多口問下個靚仔店員有咩推介啦，佢就唸都無唸就話手炒黑糖珍珠鮮奶啦，重解釋話d黑糖係自己炒呀！咁有誠意，無得唔點啦！另外我朋友就點左杯願望鐵觀音啦！咁等左一陣就有得攞啦，杯野都係同其他店果d一樣，好靚，好多虎紋，杯上面抹果d黑糖好靚，咁我就搞一搞佢就開始飲啦，第一啖飲落去就飲到好香黑糖味，d黑糖飲落去唔會一舊舊，都幾均勻，到黑糖珍珠啦，珍珠不會黏在一起，有嚼勁，煮嘅時間剛剛好，而且都幾香黑糖味，個鮮奶都好香奶味，初步估計係明治奶，整體黎講成杯野我會俾滿分，靚仔店員無介紹錯。到願望鐵觀音啦，我朋友話好香茶味，珍珠好好咬，而且佢話食到蜜糖味，我就食唔到啦！佢都話好好飲，下次我會早d去試下佢d咖啡呀！因為太夜我就唔飲得咖啡，驚訓唔到呀！