更多
2016-02-21
1342 浏览
今日一行三人去太子行街,當然要去食金華,一直都覺得菠蘿油好正。已經黎過好多次,我地點左五香雞翼蛋撻餐,一個菠蘿油同餐蛋麵餐。五香雞翼餐係第一次點,又幾好味喎,腌得非常入味,幾惹味;蛋撻唔洗多講,依然保持水準,有蛋香,甜度岩岩好。招牌菠蘿油依然邪惡,新鮮出爐,包依然軟軟熟熟,大大塊冰凍既牛油夾o係中間,真係食幾多次都覺得好正,雖然食每一啖都覺得肥到爆炸,但美食當前唔理得咁多。最後黎既餐蛋麵,之前都食過好多次,不過今日可能唔係幾好彩,碗餐蛋麵唔係好掂,午餐肉係凍既,個湯亦都好淡 下次都係叫多個菠蘿油算。 杯奶茶幾有茶味,D 奶既比例都岩岩好,唔錯。
张贴