相馬日式火鍋 (已結業)

 相馬日式火鍋店，今日一心諗住黎食火鍋🥘，但係個放題勁正，包埋任食串燒🍡、炸物🍤同埋雞翼。 餐廳放咗一大幅日本🇯🇵色彩既畫，好有日本feel哦 我地點咗中華辣湯，湯底好夠辣🌶️。而且夠辣可以突出食物既味道，唔錯😋。 我地加咗30元升級日本鹿兒島黑豚肉🐷。認真講，我鐘意呢個豚肉多過牛肉。呢個豚肉好夠彈牙，而且肉味好香。 雞翼有好多款選擇，有蒜蓉牛油雞翼、芝士雞翼、蜜糖雞翼、黑椒雞翼、土匪雞雞、水牛城雞翼、麻辣雞翼。款款都好好食，黎打邊爐變咗食雞翼。咁多款我最鐘意麻辣雞翼，辣味好香，又唔會太咸。🤭🤭