越棧越式湯粉專門店 (ac2) (已結業)

一個月內一定會食兩三次，越棧個湯底令我成日都想去食，今次都唔例外，因為只要有種味道係好夾我口味，我係會經常食。只不過我唔會簡太多人既時候去食，因為想舒舒服服慢慢食，所以只會係非熱門時間去。基本上都唔洗點諗食咩，我一定會叫生牛肉湯河，雖然今次係叫二人餐，但其他小食只係配角，主角只有生牛肉湯河，仲要食到一半先記得影相，就知我幾忍唔住手想食哂佢，其實我食唔出個湯底係用咩整出黎，只覺得個味好香濃，令到河粉好入味，入面仲有芽菜洋蔥等，一齊入口會有不同感覺，多數我會係食左三分一左右再落佢地枱面有提供既醬，因為唔清楚係咩醬，所以唔亂講啦，但一落左之後成個湯河味道都有昇華，更加食到停唔到口。除非有日個湯底味有所改變，如果唔係都會經常去食。