悅巴適 老壇酸菜魚 (已結業)

本身自己住港島東，平時都成日去中環嘅蓉玥食飯，咁啱今日見到依間，同一個老闆，應該無死啦！一行兩人去嘅時間抱住期待嘅心情，因為如果一樣咁好食，我就唔洗去中環咁遠啦～一入去Order招牌酸菜魚湯飯，唔好意思，無酸菜。。。轉豚肉炒萵筍，唔好意思，無豚肉。。。再轉宮保雞丁，有！一入單，廚房有人嗌出嚟「宮保雞丁停！」great。。。都叫食到最後一份！另外點多個蘇東坡炆豬手。。。兩樣野我地都小到mama聲。。。宮保雞丁，係用豉油汁去煮，淨係豉油味，就算用李錦記宮保雞丁汁都好過佢。。。蘇東坡炆豬手仲出事，係豉油浸豬手，唔入味唔冧！我都以為自己嗌錯咗，再三問樓面我依個真係炆豬手？樓面話係。。。(有相可以睇下個分別)係openrice 搵咗張相再問個樓面，樓面用好堅定嘅眼神同語氣話「係」!ok fine。。。。 我唯有呃埋自己，當自己食緊炆豬手。。。。臨走時有個小故事，旁邊一枱客叫野飲，咖啡~er。。。無。。。奶茶~er。。。um。。。無。。。蘋果醋~有!睇完。。哈！唔好意思，都係無。。。😂😂😂總括嚟講，作為一間餐廳，唔講食物質素，佢係令到我笑咗，開心咗嘅。。。