一芳台灣水果茶 (已結業)

晏就係屋企外賣左一芳三杯野飲調製既速度都幾快，所以好快就送到上黎·粉圓鮮奶茶嗌左1/3糖但都係好甜茶味唔濃唔突出，亦都飲唔到鮮奶味真係好普通不過細珍珠幾煙韌，同埋分量都多既每啖都似到珍珠，唔會去到最後靜係得奶茶靜，整體就不過不失啦。· 一芳水果茶水果份量都有成1/3，入面有蘋果、熱情果同橙。啲水果都新鮮既，蘋果都仲係爽口；橙都唔係好乾，仲係有汁既。不過杯野既果味比較淡，唔係好出，飲落去都係熱情果綠茶既味，無咩特別。比起台灣飲到陣味差好遠。