回味車仔麵

住喺附近久唔久會食佢，做乜鬼今日去食完全唔係果回事！

淥麵手腳慢，出嚟嘅麵淋晒但又有一執未開，湯淡到一個點，有啲似豉油加水。
牛腩又淡哂好彩都仲夠大夠淋。
豬腸豬紅又係淡，我要食淡口嘢就唔嚟食車仔麵啦大佬！點解佢搞成咁？其實黃大仙，新蒲崗係車仔麵集中地，佢咁樣點賣得$42碗？都唔明佢哋究竟有冇自己食番碗自己檢討吓。

相都費事影，真係嘥咗個lunch
見到有人話佢轉咗手唔通係真嘅？
往事只能回味，食麵不堪回頭。以後又少一間選擇。