北角煮飯仔 (已結業)

北角馬寶道最近開左間新既外賣小食/餸店，又幾多人排隊食，應該有返咁上下😁.因為想買外賣返去俾屋企人一齊食，所以叫左2個剩餸同炒飯，「咖喱海皇炒飯$38」有蝦 魷魚 蜆肉 粟米 都幾多料炒飯 仲要用珍珠米炒 新鮮即炒 夠晒暖胃 重點係$38一大碟😅 外賣店果然係抵食既。剩餸「南瓜炆雞、炒芽菜」$39/一餸，外賣全部用長方膠盒裝起 份量算幾多，外賣餸算無乜味精 又夠熱辣辣👌🏻.除左餸之外 間鋪都有小食😋 主要係炸野為主，有「台式雞扒$20」、「椒鹽雞軟骨$20」、「鹽酥雞$20」、「炸燒賣$10」、「炸墨魚丸$12」，炸物幾正wor ! 鹽酥雞同雞軟骨份量勁多😍 加左椒鹽炸到岩岩好 唔會太鹹得黎個炸粉拎到返屋企都幾脆！ 另外燒賣 墨魚丸 雞扒 都好食🍗🍗 幾有台灣feel ! 抵食夾大件 ，最後見到人地食緊個「麻辣豬耳$32」又好想食 果然份量幾多 麻辣味好麻 因為本身係凍盤 所以返到屋企都仲凍凍地。.又無諗過是但買間外賣都有d驚喜，抵食夾大件既外賣店，媽咪食完都話可以下次再買外賣🙈。