泰COOL (翩匯坊) (已結業)

之前都食過兩三次，服務態度好一般，食物質素都係一般般，叫做唔太貴，又可以帶狗坐室外位置吸引到我去。隔離都有兩三枱客有帶狗仔。午市套餐選擇唔多，只有六七款揀，可惜連一款湯粉都無。唯有散叫了一客冬陰公湯河粉。另外叫左個泰式豬手飯（係午餐，有跟飲品，但凍飲要加$6）其實一盤收得呢呢個價嘅餐廳凍飲都唔會加錢架啦。侍應放低筷子紙餐巾（2個人比一張餐巾🙄）先來個冬陰公湯河粉，份糧夠大，可惜個湯無咩味道，只得一個酸味，小小辣都無。海鮮又係全無味道，急凍就必然架喇，不過急凍都可以用好少少食材嘅，就連草菇都用罐頭就真係覺得好過份。個豬手飯反而好少少，味道同質感都唔錯，係肥肉多左少少，但還可接受。