影片
更多
2022-03-16
123 浏览
數日前，小編同友人經過K11 musea，疫情來襲期間商場多個樓層幾乎空無一人，十分冷清，直到我地搭電梯落B2/f，竟然見到間店舖前有人群聚集，當場打左個突，好奇心作崇下決定上前探個究竟，點知原來就係傳說中嘅法國著名麵包店Gontran Cherrier！我地唸都唔唸即刻擠進人群中執番幾件👍🏼🌟Gontran Cherrier 曾被華爾街日報評為巴黎最美味牛角包，已於多個國家設立分店，香港分店由疫情大爆發至今仍一直大排長龍，可見香港人係疫情期間除左好中意返工外，仲好中意排隊買牛角包🥐🌟全店面積超過3千呎，除左麵包店外，仲設有餐廳堂食。麵包店主售賣各款牛角包同法式甜品，而餐廳主打法國料理。💁🏻♀️要品嚐一間麵包店嘅牛角包，更係要試左最原汁原味嗰款先($24)！新鮮出爐嘅牛角包香氣撲鼻，一聞就知落左好多牛油。麵包形狀飽滿堅挺，琥珀色嘅面層帶有光澤。外層酥脆可口，內裡柔軟濕潤，酥皮折疊層數非常多，層與層之間嘅洞頗大，令整個牛角包好有彈性。食完後，香濃嘅牛油味係口中久久不散，卻沒有油膩感，點解會咁呢？原來係因為特別嘅製作原料同特別嘅烹調方式！麵包店使用優質法國牛油同低根麵粉製作，以提升麵包嘅發
數日前，小編同友人經過K11 musea，疫情來襲期間商場多個樓層幾乎空無一人，十分冷清，直到我地搭電梯落B2/f，竟然見到間店舖前有人群聚集，當場打左個突，好奇心作崇下決定上前探個究竟，點知原來就係傳說中嘅法國著名麵包店Gontran Cherrier！我地唸都唔唸即刻擠進人群中執番幾件👍🏼
🌟Gontran Cherrier 曾被華爾街日報評為巴黎最美味牛角包，已於多個國家設立分店，香港分店由疫情大爆發至今仍一直大排長龍，可見香港人係疫情期間除左好中意返工外，仲好中意排隊買牛角包🥐
🌟全店面積超過3千呎，除左麵包店外，仲設有餐廳堂食。麵包店主售賣各款牛角包同法式甜品，而餐廳主打法國料理。
💁🏻♀️要品嚐一間麵包店嘅牛角包，更係要試左最原汁原味嗰款先($24)！新鮮出爐嘅牛角包香氣撲鼻，一聞就知落左好多牛油。麵包形狀飽滿堅挺，琥珀色嘅面層帶有光澤。外層酥脆可口，內裡柔軟濕潤，酥皮折疊層數非常多，層與層之間嘅洞頗大，令整個牛角包好有彈性。食完後，香濃嘅牛油味係口中久久不散，卻沒有油膩感，點解會咁呢？
原來係因為特別嘅製作原料同特別嘅烹調方式！麵包店使用優質法國牛油同低根麵粉製作，以提升麵包嘅發酵效果。然後分段冷凍麵團，讓其發酵，以提升牛角包外殼嘅蓬鬆酥脆感同乾燥度，整個過程需時4小時。最後塗上一層蛋漿放入焗爐以170度高溫烘烤20分鐘，將水分鎖係麵包裡面，造成外層酥脆內層濕潤嘅對比感👍🏼
💁🏻♀️小編今次仲試左亞麻籽牛角包($28)，朱古力牛角包($30)，黑椒熱狗腸丹麥蘇($28)。亞麻籽點綴了成個牛角包，令其香味昇華；朱古力牛角包嘅餡掩蓋了牛角包嘅牛油味；黑椒熱狗腸似食緊脆皮熱狗。✏️整體推薦度排名為：亞麻籽>原味>黑椒熱狗腸>朱古力味😆
Gontran Cherrier果然聞不虛傳！相對其他出名食牛角包嘅店舖，GC嘅牛角包雖然冇咁多款式同口味，但其外脆內軟度同牛油香濃度無可否認係無以倫比的！難怪係「動態清零」嘅日子中仍能保持人龍不斷👍🏼下次再黎試下啲scone, brownie, 同其他denish再寫食評😙
😍整體評分
味道：🌟🌟🌟🌟🌟
價錢：🌟🌟🌟
環境：🌟🌟🌟🌟
服務態度：🌟🌟🌟
instagrammable：🌟🌟🌟🌟
张贴
